Malfoozat Hakimul-Ummah Hazrat Thanvi

ملفوظات حکیم الامت حضرت مولانا اشرف علی تھانوی رحمۃ اللّٰہ علیہ

اپنی فکر کرنی چاہئے

ایک صاحب نے کوئی مسئلہ پیش کر کے عرض کیا کہ فلاں صاحب نے یہ دریافت کیا ہے ، ان کی حالت کے مناسب فرمایا کہ خود آپ کو جو ضرورت ہو اس کو معلوم کیجئے ، دوسروں کے معاملات میں نہیں پڑنا چاہئے ۔ بڑی ضرورت اس کی ہے کہ ہر شخص اپنی فکر میں لگے اور اپنے اعمال کی اصلاح کرے ۔ آج کل یہ مرض عام ہو گیا ہے عوام میں بھی اور خواص میں بھی کہ دوسروں کی تو اصلاح کی فکر ہے اپنی خبر نہیں ، میرے ماموں صاحب فرمایا کرتے تھے کہ بیٹا دوسروں کی جوتیوں کی حفاظت کی بدولت کہیں اپنی گٹھڑی نہ اٹھوا دینا ، واقعی بڑے کام کی بات فرمائی۔

ملفوظات حکیم الامت: جلد 1 ص 26